Was guckst Du?!

S'Läbe bestaht us vielne Fragezeiche.
Eis devo: wieso hängt mich s'Mami nach em Ässe so über de Arm, wienen nasse Lumpe, wo a de Leine muess tröchne???
Es anders: werum chunnt debi immer so komisch wisses Züüg unen ufe, wo gruusig schmöckt und ich nachher muess usespöitze und s'Mami in Putzpanik versetzt?
Und zletscht: was sind das für Grüüsch, woni dä amigs vo mir gibe und s'Mami immer ganz happy dezue klatschet (komischerwiis isch sie dänn aber ganz empört drüber, wänn de Papi s'gliiche macht, eifach no viel lüüter...:=)?